غزل (Parveen Sultana Hina پروین سلطانہ حنا)

 

پروین سلطانہ حنا

غزل

شکستہ ساز ہو آواز رکھنا

تم اپنا بھی کوئی انداز رکھنا

مسافت کٹ ہی جائے گی کسی دن

پروں میں طاقتِ پرواز رکھنا

اڑ انوں کے سفر پر جب چلو تو

توانا پر، نظر کو باز رکھنا

بڑ ا مثکل سفر ہے زندگی کا

کوئی ساتھی، کوئی دم ساز رکھنا

اکیلے فرد کی سنتا ہے کوئی؟

زمانے بھر کو ہم آواز رکھنا

مسلسل رابطے میں رب سے رہنا

اسی کو محرم و ہم راز رکھنا

دُکھانا دِل ہے اس بستی کا شیوہ

حنا اس کو نظر انداز رکھنا

٭٭٭٭٭٭٭

Posted in Uncategorized | Tags , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | Bookmark the Permalink.

One Response to غزل (Parveen Sultana Hina پروین سلطانہ حنا)

  1. Muhammad Uaman says:

    bohat khoob

Leave a Reply

Your email address will not be published. Required fields are marked *